Þá er komið að því.Daniafólkið

Ég sendi ykkur Daniadrengjum tölvupóst í gær varðandi mótafyrirkomulag Dania-L.O.P. túrinn. Ég veit nú ekki hversu góð og gild þessi póstföng eru og hef nú þegar sent aukaeintak af póstinum á Óskarinn vegna þess að þetta var eitthvað vara, vara, vara póstfang. Ég sendi þetta bara á póstana sem eru undir msn köllunum ykkar svo þið verðirð að kíkja í þau innhólf ef þetta er eitthvað sem þið skoðið ekki dagsdaglega.

Megininntak póstanna var að það er túrnament spil á miðvikudaginn þar sem ykkur er frjálst að taka með ykkur einn tvo vini í viðbót. Svo var stungið uppá að næsta laugardag(skvöld jafnvel) eða miðvikudag eftir viku verði hefðbundið Dania spil með 500 kall pr leik og spilaðir nokkrir. Lesið bara póstinn og segið mér sem fyrst hvað er upp og hvað ekki. Við fjölskyldan erum á ríðimannamóti Storms um helgina, hér í sveitinni og erum væntanleg í siðmenninguna á sunnudagskvöldið. Hlakka til að hitta og heyra í ykkur.

Reddarinn

Dania- Legends of Poker -ÍslandDaniafólkið

Óskar hafði á orði við mig hvort það væri ekki upplagt að reyna að smala saman Dania genginu og grípa í einsog eitt pókerspil á meðan menn eru á Íslandinu góða. Ég tók vel í það og hef síðan verið að bræða með mér hugmynd sem ég kalla til bráðabyrgða Dania Spil L.O.P-Ísland (Legends of Poker), eða Dania Spil- Meistaramót Íslands, nú eða Íslandsmeistaramót Dania Spils. 

Silfur er víst súrast málma.Daniafólkið

Bang! .. og mark var það sem gerðist snemma leiks. Þjóðverjar byrjuðu af miklum krafti, pressuðu fram og ætluðu sér leikin strax í upphafi. Þeir nýttu hinsvegar ekki meðbyrinn sem þeir höfðu í uphafi og hleyptu spnjólunum inn í leikinn sem þeir þáðu með þökkum og löbbuðu með alla leiðina í bankann. Þýska vörnin hefur sjalden virkað eins þung og slöpp og þeir áttu ekki roð í Torres og Iniesta sem spiluðu þá úr pungsveittum stuttbuxunum oftar en einusinni og oftar en tvisvar. Spánverjarnir voru betri næstum allan tíman eftir að þeir virtust hafa mætt of seint í leikinn.

Þetta alltasaman þýðir nokkuð margt fyrir okkar ágæta leik hér á Dania. Lokastaðan í leiknum snarsnérist næstum á haus fullkomlega og hefði gert það ef Klinsmann hefði stýrt þessu batteríi áfram. Það mjóaði munu sagði einhver og það er víst rétt hjá þeim blessaða manni. Lokastaðan í leiknum endaði með stórmeistara jafntefli sem þarf að leysa með svokölluðum "tie-braker". Aðferðin finnst mér vera afturábak þar sem það fyrsta sem ræður úrslitum er hversu marga leiki keppendur höfðu rétta í riðlakeppninni. Réttlátara (fyrir mig allavega) hefði verið að rekja keppnina afturábak þar til sundur greinir, en svona er keppnin okkar sett upp og við það verður unað, enda ekki tapsárir menn hér á Dania.

Dania Spil EM2008 deildin endaði svona:

Þór 55 stig (en fleiri 3 stig í riðlakeppninni) svo hann hlýtur 1. sæti.
Sigfús 55 stig (og engir þristar) svo hann hlýtur 2. sæti.
Bylgja 51 stig (en telst ekki með) svo hún hlýtur ekki sæti
Óskar 48 stig svo hann hlýtur 3. sæti.

Gaman er að geta þess að ef Þýskaland hefði orðið Evrópumeistari, þá hefði röðin orðið Sigfús, Bylgja, Þór og Óskar, sem er speglun á stöðunni eftir riðlakeppnina. Þetta þýðir bara að leikurinn var jafn og spennadi alla leið og þakkar undirritaður skemmtilega og jafna keppni um leið og Casillas lyftir verskuldað bikarnum góða undir soundtrackinu úr Pirates of the Carribiean (veit ekki afhverju það er með alveg).
yfir og út.

Franz

Undanúrslitin klárDaniafólkið

Þetta verður bara snaggaraleg færsla þar sem sveittir pungarnir sitja og hamast fyrir próf og aðrir siðja sveittir í flugvélum.

Staðan í leiknum er að sjálfsögðu æsispennandi og hefur breyst á mjög dramatískan hátt eins og sannspái maðurinn spáði (ÉG s.s.) Fúserinn var með flest rétt lið inn í áttaliða úrslit 7 af 8 og aftur svo í undanúrslitin, 3 af 4. Tyrkirnir halda áfram að koma öllum á óvart og eru í harðri baráttu við Rússana um Spútikstitilinn. Við vonum að Rússarnir hafi haft vit á að verna höfundaréttinn sinn á Spútniksnafninu svo tyrkirnir hafi ekki af mér mótssigurinn í leiknum.

Þá að stöðunni eins og hún er núna í leiknum:

Sigfús er í efsta sæti með 50 stig og á sjens á 15 til viðbótar ef allt gengur upp hjá honum
Þórsarinn er í örðu sæti með 50 stig og á sjens á 5 til viðbótar ef allt gengur upp hjá honum
Óskarinn er í þriðja með 43 stig og á sjens á 10 til viðbótar ef allt gengur upp hjá honum.
Bylgja er í fjórða með 41 stig og á sjens á 15 til viðbótar ef allt gengur upp hjá henni.

Haldið ykkur því fast góðir hálsar. Michael tók Ronaldo og pakkaði honum saman síðast og næst er það Ahmet sem þarfnast sálgæslu.

Sóknarkveðjur
Miroslav (ekki erkiþýskt en það virkar)

Það er að koma comeback! EM part5Daniafólkið

Ég sat i rólegheitunum og huggaði mig með einum köldum, svona til að kæla mig niður á enn einum níutíumínutna þjófnaðinum þegar ég áttaði mig á að ég gat sett inn fullt af stigum. Ef spanjólarnir hefðu látið markið í friði í tvær mínútur í viðbót hefði Dieter verið búinn að berjast á topp deildarinnar en hann situr nú fastur í þriðja sæti eftir að ljóst er hvaða lið komust í átta liða úrslit.

Staðan í keppni Dania spils er orðin svona:
Þór hefur hlotið 18 stig eftir riðlakeppnina og svo 24 fyrir að koma 6 liðum í 8 liða úrslit. Það gera samtals 42 stig í heildina.

Óskar hefur hlotið 15 stig eftir riðlakeppnina og svo 24 stig fyrir að koma 6 liðum í 8 liða úrslit. Það gera samtals 39 stig í heildina.

Sigfús hefur hlotið 10 stig eftir riðlakeppnina og svo 28 stig fyrir að koma 7 liðum í 8 liða úrslit. Það gera samtals 38 stig í heildina.

Bylgja hefur hlotið 13 stig eftir riðlakeppnina og svo 20 stig fyrir að koma 5 liðum í 8 liða úrslit. Það gera samtals 33 stig í heildina.

Þórsarinn hefur semsagt hrifsað toppsætið í deildinni til sín, eftir að riðlakeppni er lokið og ljóst hvaða lið spila í 8 liða úrslitum. Þýskarinn átti samt besta árangur inn í 8 liða úrslit, þar sem Svisslendingum einum var ofaukið í hans spá sem Tyrkir klóruðu út alls ófyrirséð. Nú fer enn frekar að draga til tíðinda og líklegt að Portúgalir haldi á örlögum Þórsarans í hendi sér. Þeir eru það sem geri hans spá ólíka Þýskarans og Óskarsins og líklegt að árangur þeirra "meiki eða breiki" þetta fyrir kallinn.

Ef menn eru í stuði og vilja halda sér heitum fram að næsta leik þá er hér linkur á síðu þar sem menn hafa sett inn myndbönd af 50 bestu mörkum allra tíma (að mati einhverra gaura). Greinin er í þremur hlutum.

Nú skal setja hann í samúel (ekki í Samúel samt!
Michael

Einhver Austari skuldar mér bjór! EM part4Daniafólkið

Það er ekki mjög gaman á Case de Sigfús þessa dagana eða á Haus der Neunzig (Nítugustumínútnahúsið). Það hafa verið ansi margir þristar bornir út úr húsin hér síðustu daga eftir að hefðbundnum leiktíma á að vera lokið. Óskarinn og Þórsarinn hafa báðir verið hér innandyra þegar maður er rændur á nítugustuogþriðju mín í níutíu mínútna leik; ekki gott mál.

Það sem er svo til að salta aðeins í sárin er að bruggari nokkur í Austurríki hafði heitið þeim fyrsta Austara (Austurríkismaður er svo fjandi langt og óþjált orð) sem skorar í mótinu að hann hljóti ævibyrgðir af bjór frá sér og sínu Ottakringer brugghúsi. Þetta tókst einhverjum besefanum að komast yfir þegar hann þrusaði inn einu úr víti á 93. min um daginn. Ef þetta kemur til með að kosta mig bjór þá fær hann pottþétt harðort bréf þar sem hann er vinsamlegast beðinn að afhenda amk góðan fyllerísskammt af bjór.

Mig grunar samt að honum verði ekki um kennt, þar sem frekar virðist draga í sundur með þeim sem búa á efri hæðum og þeim sem búa á neðri hæðum. Ég veit ekki hvort ég sé með nógu marktækt úrval til að segja til um gildi þessarar kenningar minnar út frá tölfræðilegum rannsóknarforsendum. Tók eitt slíkt fag síðasta vor en fékk lægstu mögulegu "staðist" einkunn í boði, svo ég læt aðra um tölfræðilegt marktæki þessarar fullyrðingar.

Staðan í leiknum er eftirfarandi:

Óskar hefur hlotið samtals 13 stig
Þór hefur hlotið samtals     13 stig
Bylgja hefur hlotið samtals 10 stig
Sigfús hefur hlotið samtals 7 stig

Staðan er uppfærð eftir leiki kvöldsins (16. júní)

Nú fer þetta að gerast ansi hratt; reyndar hægar í dögum talið, en hraðar í stigum. Sumir halda enn í vonina um að vinna og vil ég bara minna á upprisu Tyrkja í leiknum í gær til að minna þá sem eru með gott forskot í leikjum að fagna ekki of snemma.

"93. mínúta er víða" átti skáldið eflaust við þegar hann vísaði til Klepps og það á nú aldeilis vel við þegar um knattspyrnu er rætt.

Baráttukveðjur.

Dieter

Það er maður í súpunni EM part3Daniafólkið

Spennan varði fram á síðustu mínútu fyrir hvern einasta tippara mótsins í leikjum dagsins og úrslitin voru ekki á hreinu fyrr en feita kellingin hafði þanið flautuna. Tekjur dagsins voru þó nokkuð rýrar, einsog fyrri daga, en jafn rýrar, svo þetta er ennþá gott mót fyrir alla meðlimi Dania Spils. Jurgen ætlaði að sækja mörg stig í hús og var hann á sætisbarmi í allan dag því hann var að fara negla þetta eða tapa feitt.

Maður verður að halda kúlinu undir pressu ef maður ætlar að geta eitthvað í lífinu og langar mig til að benda á skemmtilega auglýsingu þar sem Fabregas nokkur sýnir okkur viðvaningunum hvernig maður er svalur þó hitni í kolunum (í orðsins fyllstu!!). Sjá hér.

Stigin hlaðast nú ekki beint inn í þessum leik hjá leikmönnum Dania en það er allavega gott að þið eydduð ekki þessum peningum í að styðja Leikni (nema Óskar, sem hefði getað launað uppeldið í efra nokkuð drjúglega því það er ekki séns að hann væri að fá peningana til baka miðað við þessa frammistöðu).

Þá að nýjustu tölum mótsins:

Óskar er með 6 sig og því með samtals 6 stig
Þór er með 5+1stig og því samtals með 6 stig
Bylgja* er með 4+1 stig og því með       5 stig
Sigfús er með 2+1 stig og því með       3 stig

Gaman að geta þess, eins og maður sér nú við að kíkja á stig dagsins, að Óskar heldur naumlega í forystuna með ekkert stig fengið í dag. Bylgja fylgdi á hæla hans er hún krækti ein í stig fyrir Tyrkjaránið á 90. mínútu áðan og hlaut eina stig sitt í dag og skildi því Óskarinn eftir einan í forinni. Gott framtak hjá Óskari því hann jafnaði lélegasta árangur dagsins hjá hópnum sem er .....jú, núll stig!

Á morgun vil ég minna menn á að styðja Þjóðverja allir sem einn (nema Þór sem er útundan). Vel tippað allir saman, en leikurinn verður samt eflaust hörku leikur og Króatar gætu laumað inn stigi, eða stigum og Þórsarinn situr þá einn að súpunni (en við hin þá í henni?).

Gott mót
Gerd

Handjárn og Rassakrem - EM part2Daniafólkið

Dagur tvö á EM hófst með einhverjum leiðinlegasta leik sem ég hef horft á í langan tíma. Þar mættust Frakkar og Rúmenar og það sem svíður etv. sárast eftir þann leik og er hvað ósanngjarnast er að Frakkar fengu fleiri stig fyrir þann óskapnað en tippararnir á Dania. Eitt stig á hvort lið fyrir dauðans núll og ekkert stig fyrir okkur hina -"scheisse" eins og krautararnir segja þetta best.

Til að fólk fari ekki að fordæma boltaspark almennt þá spiluðu Hollendingar og Ítalir ásamt Rússum og Spánverjum hörku skemmtilega leiki næst á eftir og við húrrum fyrir því.

Ekki vil ég að menn haldi að undirritaður geti ekkert í tippinu og vil ég því biðja lesendur um að sýna biðlund á meðan maður nær sér upp. Þetta tekur jú lengri tíma með aldrinum en þetta kemur. Til að efla ráð og dug ákvað síðuskrifari að taka upp þýsk fornöfn á meðan EM rennur sitt skeið og munu þau breytast eftir þörfum (já Lothar og Rudi er ekki það sama). Aldrei að vita nema hlekkur fylgi með þeim sem vilja kynna sér fyrrum stórhetjur þýskrar knattspyrnu.

Fyrirsögnin er innblásin af frétt á Vísi og vísar til þess ástands sem neðstu menn í getspekimótinu virðast vera að upplifa þessa síðustu og verstu daga en hefur annars lítið (vonandi) með knattspyrnu eða meðlimi Dania Spils að gera.

Nú er fyrstu umferð í giskinu lokið og tölur komnar í hús eftir að núll núll leik Grikkja og Svía lauk með öruggum sigri Svía 2-0. Staðan í móti Dania Spils er því sem hér segir:

Óskar hefur 1+3+1+1 stig sem gera 6 stig
Þór hefur 1+1+1+1+1 stig sem gera 5 stig
Bylgja* hefur 1+1+1+1 stig sem gera 4 stig
Sigfús hefur 1+1 stig sem gera          2 stig

Nú liggur það fyrir að staðan hefur lítið breyst, nema allir hafa fengið fleiri stig og sumir hafa meira að segja tvöfaldað skorið sitt síðan síðast, verst að einn margfaldast illa og vil ég kenna Pýþagórasi um það. Þá liggur einnig fyrir að sumir leikmenn geta sveiflað tippgetu sinni meira en aðrir og sumir eiga í vök að verjast; sumir eru sumir og sumir eru aðrir og aðrir eru bara ekki neitt en það kemur þessu ekkert við.
Áfram heldur mótið og ef menn eru duglegir að kommenta eða að undirritaður fer að brjótast upp töfluna þá kemur næsta færsla fyrr en seinna.

Nú skal sækja;
Jurgen

EM ER HAFIÐ OG ÞAÐ ER DJÚPT Á ÞVÍDaniafólkið

Dania Spil A/S sparkaði EM leik í gang í aðdraganda EM eins og núbúandi Daniamenn vita. Það er hart tekist á og tæklað upp að mitti í leikjum dagsins alla daga. Dania Spil þykir miður að ekki var haft samband við Bensann en hann hefði hvort sem er bara tapað. Honum er samt að sjálfsögðu boðið á sigurhátíð og verðlaunaafhendingu í byrjun september þegar æfingar hefjast eftir sumafrí vegna lykilstöðu sinnar innan leikmannahóps Dania Spils.

Þar sem undirritaður var talinn hafa mesta reynslu í umsýslu lausafjár og reksturs skyndihappdrætta og spilaleikja var honum falin umsjón með verðlaunafé, stigastalningu og uppfærslu mótagengis spilara. Þá mun staða efstu manna verða birt nokkuð reglulega til að menn viti hvern á að styðja í leikjum dagsins (hint:Þjóðverja allirsaman nú). Takamarkið er að birta stöðu annan hvern dag hið minnsta.

 

Þá að máli málanna; stöðunni eftir leiki helgarinnar.

Óskar hefur 1+3+1 stig og því samtals  5 stig
Þór hefur 1+1+1 stig og því samtals     3 stig
Bylgja er með 1+1 sig og því samtals    2 stig
(B. keppir samt einungis í innanhúsviðureign í neðra því hún borgaði ekki í pottinn og er því bara með hér til að gera stigatöfluna dramatískari)
Sigfús hefur 1 stig og því samtals         1 stig

Lokið er fjórum leikjum í mótinu.

Mönnum er bent á að fylgjast með reglulega hér á síðunni og þátttakendum sem og öðrum gestum síðunnar er að sjálfsögðu heimilt að hæðast að og/eða gleðjast með spilurum eða hvetja.  

Til dæmis mætti núna óska Óskari til hamingju með góða byrjun og e.t.v. gera eitthvað grín að Sigfúsi sem situr eftir í startinu (nokkuð auðvelt skotmark sá gamli). Það er samt ekkert vit í því og miklu nær að kalla Óskar grísara, Þór nægir að kalla Tottenham (er og verður alltaf um miðja deild eins og sést glögglega hér að ofan) og minna á að lokum að það var ekki hérinn sem vann skjaldbökuna í kapphlaupinu fræga og að knattspyrnumót er maraþonhlaup en ekki spretthlaup (Sputnik var fljótur upp en jafn fljótur niður aftur), svona til að draga fram nokkra klassíska frasa til að skýra út heldur hógværa stigaskorun hjá Sigfúsi í upphafi móts.

(Þetta  dæmi hér að ofan er einungis dregið upp sem dæmi um hvað segja mætti í stöðu einsog þessari og er ég alls ekki að misnota stöðu mína sem stigateljari og fréttaritari mótsins heldur er það algjör tilviljun að staðan var þessi og beitt háðið sem á eftir fylgdi var í þessa áttina;)

Game on.
S.Ö.G. í neðra.

Pókerkvöld. Laugardaginn 3.maíDaniafólkið

Jæja.. Það er búið að ákveða pókerkvöld á laugardaginn 3.maí. Ákveðið er að halda það heima hjá Þórsaranum eða Siffanum.

Við þurfum helst að fá fleiri til að taka þátt!!!

Staðfest eru að þeir sem mæta eru:

Þór
Sigfús
Óskar

Óvissa er um:

Árna

kommentið ef þið eruð með einhverja í sigtinu.

Kv Þórsarinn